Vogëlushja e përdhunuar dhe e vrarë mund të jetë viktima e gjashtë e vrasësit serik

10:21 | 11 Janar 2018
Arbresh.info

Tetëvjeçarja e cila ishte rrëmbyer, përdhunuar dhe vrarë në Pakistan, mendohet të jetë viktimë e një vrasësi serik.

Zainab Ansari është kapur nga kamera duke u mënjanuar nga një njeri misterioz dhe më vonë është gjetur e përdhunuar dhe ngufatur në afërsi të një koshi me plehra, transmeton portali arbresh.info

Ajo është fëmija e gjashtë që është rrëmbyer, përdhunuar dhe vrarë në qytetin e Kasur në vitin e kaluar, dhe policia beson se vrasjet mund të jenë kryer nga i njëjti person.

Babai i viktimës ka thënë se nuk do ta varrosin të bijën derisa të gjendet vrasësi. Ai ka akuzuar policinë se nuk ka vepruar menjëherë, sepse autori do të mund të kapej.

Vrasja ka shkaktuar zemërim në Pakistan, ku janë mbajtur protesta masive në Kasur./Arbresh.info/